తెలంగాణ నిరుద్యోగ యువత ఎంతో కాలంగా ఆతృతగా ఎదురుచూస్తున్న TGPSC MPSO / ASO (మండల్ ప్లానింగ్ అండ్ స్టాటిస్టికల్ ఆఫీసర్) ఉద్యోగ నోటిఫికేషన్ విడుదలవ్వడం నిజంగా ఒక అద్భుతమైన అవకాశం. రాష్ట్రంలో అనేక ప్రభుత్వ ఉద్యోగాల కోసం సన్నద్ధమవుతున్న అభ్యర్థులకు ఈ ప్రకటన ఎంతో ఊరటనిచ్చింది. ప్లానింగ్ మరియు ఎకనామిక్స్ అండ్ స్టాటిస్టిక్స్ శాఖలో ఖాళీగా ఉన్న ఈ పోస్టులను భర్తీ చేయడానికి టీజీపీఎస్సీ నోటిఫికేషన్ జారీ చేసింది.

మొత్తం 102 ఖాళీలతో వెలువడిన ఈ నోటిఫికేషన్ (No. 07/G/ES/2026) ద్వారా డిగ్రీ అర్హత కలిగిన అనేకమంది యువత ప్రభుత్వ ఉద్యోగ సాధన కల నెరవేర్చుకోవచ్చు. ఇది జోనల్ కేడర్ పోస్ట్ కావడం వల్ల 95 శాతం ఖాళీలు స్థానిక తెలంగాణ అభ్యర్థులకే రిజర్వ్ అయి ఉంటాయి.

నోటిఫికేషన్ సమాచారం !

పోస్టులు: Mandal Planning and Statistical Officers (MPSO) / Assistant Statistical Officers (ASO)

మొత్తం ఖాళీలు: 102 పోస్టులు, తెలంగాణ రాష్ట్ర ప్లానింగ్ & ఆర్థిక సాంఖ్యక శాఖ

జీతం స్కేలు: ₹36,750 – ₹1,06,990 (ప్రారంభంలో అన్ని అలవెన్సులతో సుమారు ₹50,000 పైనే ఉంటుంది)

విద్యా అర్హత (Educational Qualifications)

గుర్తింపు పొందిన యూనివర్సిటీ నుండి Bachelor's Degree (డిగ్రీ) పూర్తి చేసి ఉండాలి. అయితే, మీ డిగ్రీ కోర్సులో Statistics (స్టాటిస్టిక్స్) అనేది ఒక సబ్జెక్ట్ లేదా పేపర్‌గా తప్పనిసరిగా ఉండాలి:

➤ B.Sc (Statistics / Maths / Computer Science): స్టాటిస్టిక్స్ ఒక పేపర్‌గా ఉన్నవారు అర్హులు.

➤ B.A (Statistics / Economics / Maths): స్టాటిస్టిక్స్ సబ్జెక్ట్ చదివిన వారు దరఖాస్తు చేసుకోవచ్చు.

➤ B.Com: Business Statistics లేదా General Statistics ఒక పేపర్‌గా ఉన్నవారు అర్హులు.

➤ B.Tech: 4 ఏళ్ల ఇంజినీరింగ్ మార్క్స్ మెమోలో 'స్టాటిస్టిక్స్' అనే సబ్జెక్ట్ ఉన్నవారు అర్హులు.

వయోపరిమితి & సడలింపులు (Age Limit)

వయస్సు: 01-07-2026 నాటికి 18 నుండి 44 సంవత్సరాలు.

సడలింపులు: SC, ST, BC, EWS అభ్యర్థులకు 5 సంవత్సరాలు (49 ఏళ్ల వరకు), దివ్యాంగులకు 10 సంవత్సరాలు (54 ఏళ్ల వరకు) వయోసడలింపు ఉంటుంది.

దరఖాస్తు తేదీలు & ఫీజు

ఆన్‌లైన్ దరఖాస్తు ప్రారంభం: 30 అక్టోబర్ 2026

చివరి తేదీ: 27 నవంబర్ 2026 (సాయంత్రం 5:00 వరకు)

ప్రాసెసింగ్ ఫీజు: ₹200 (తెలంగాణ నిరుద్యోగులు మరియు రిజర్వేషన్ వర్గాలకు పరీక్ష ఫీజు ₹120 మినహాయింపు ఉంది).

👉వెబ్‌సైట్: tgpsc.gov.in

TGPSC MPSO పూర్తి సిలబస్

తెలంగాణ ప్లానింగ్ & ఆర్థిక సాంఖ్యక శాఖలో విడుదలైన MPSO / ASO పోస్టుల పరీక్ష మొత్తం 300 మార్కులకు రెండు పేపర్లుగా నిర్వహించబడుతుంది. ప్రతి పేపర్‌కు 150 నిమిషాల సమయం ఉంటుంది.

➤పేపర్ - 1: జనరల్ స్టడీస్ & జనరల్ ఎబిలిటీస్ (150 మార్కులు)

ఈ పేపర్ అందరికీ కామన్ గా ఉంటుంది. బేసిక్ సైన్స్ నుండి తెలంగాణ ఉద్యమం వరకు అన్ని అంశాల నుంచి ప్రశ్నలు వస్తాయి.

తెలంగాణ చరిత్ర & సాంస్కృతిక వారసత్వం: కాకతీయులు, కుతుబ్‌షాహీలు, అసఫ్‌జాహీల కాలం, తెలంగాణ సాయుధ పోరాటం, మలిదశ తెలంగాణ ఉద్యమం, ప్రముఖ నాయకులు, కళలు, సంస్కృతి, పండుగలు, జాతరలు.

భారత రాజ్యాంగం & రాజకీయాలు (Indian Polity & Constitution): ప్రాథమిక హక్కులు, ఆదేశిక సూత్రాలు, పార్లమెంటు, రాష్ట్ర ప్రభుత్వం, పంచాయతీ రాజ్ వ్యవస్థ, స్థానిక సంస్థలు.

భారతదేశం & తెలంగాణ భూగోళశాస్త్రం (Geography): నదులు, అడవులు, వాతావరణం, ఖనిజాలు, వ్యవసాయం మరియు జనాభా లెక్కలు.

ఆర్థిక వ్యవస్థ (Indian & TS Economy): భారతీయ ఆర్థిక వ్యవస్థ ముఖ్యాంశాలు, తెలంగాణ ప్రభుత్వ సంక్షేమ పథకాలు, బడ్జెట్ మరియు ఆర్థిక సర్వే.

కరెంట్ అఫైర్స్: జాతీయ, అంతర్జాతీయ మరియు ప్రాంతీయ (తెలంగాణ) వర్తమాన అంశాలు.

జనరల్ సైన్స్ & సైన్స్ అండ్ టెక్నాలజీ: దైనందిన జీవితంలో సైన్స్ పాత్ర, స్పేస్ టెక్నాలజీ, ఐటీ మరియు డిజిటల్ అప్లికేషన్లు.

లాజికల్ రీజనింగ్ & ఎకనమిక్ అండర్‌స్టాండింగ్: డేటా ఇంటర్‌ప్రిటేషన్, ప్రాబ్లమ్ సాల్వింగ్, బేసిక్ ఇంగ్లీష్ గ్రామర్ మరియు రీజనింగ్.

➤పేపర్ - 2: స్టాటిస్టిక్స్ - డిగ్రీ లెవెల్ (150 మార్కులు)

ఇది మీ డిగ్రీ సబ్జెక్ట్ ఆధారంగా వచ్చే కోర్ సబ్జెక్ట్ పేపర్. డిగ్రీ స్థాయిలో స్టాటిస్టిక్స్ చదివిన వారికి ఇది చాలా కీలకం.

వర్ణనాత్మక సాంఖ్యక శాస్త్రం (Descriptive Statistics): Central Tendency (Mean, Median, Mode), Dispersion (Range, SD, Variance), Skewness and Kurtosis.

సంభావ్యత (Probability): Basic Probability, Conditional Probability, Baye’s Theorem, Random Variables, Mathematical Expectation.

సంభావ్యతా విభాగాలు (Probability Distributions): Binomial, Poisson, Normal, Exponential distributions మరియు వాటి ధర్మాలు.

నమూనా పద్ధతులు (Sampling Theory): Simple Random Sampling, Stratified Sampling, Systematic Sampling మరియు నమూనా దోషాలు (Sampling Errors).

పరికల్పన పరీక్షలు (Testing of Hypotheses): Large Sample Tests (Z-test), Small Sample Tests (t-test, F-test, Chi-Square test) మరియు ANOVA.

సహసంబంధం & తిరోగమనం (Correlation & Regression): Karl Pearson's Correlation coefficient, Rank Correlation, Regression equations మరియు వాటి అప్లికేషన్లు.

స్టాండర్డ్ పుస్తకాల జాబితా (Recommended Books)

పేపర్ - 1: జనరల్ స్టడీస్ & జనరల్ ఎబిలిటీస్

➤ తెలంగాణ చరిత్ర, సంస్కృతి & ఉద్యమం:

➢ తెలుగు అకాడమీ (తెలంగాణ చరిత్ర & సంస్కృతి)

➢ విన్నర్స్ పబ్లికేషన్స్ లేదా విప్రో (Viprow) తెలంగాణ ఉద్యమ చరిత్ర

➤భారత రాజ్యాంగం & రాజకీయాలు:

➢ ఎం. లక్ష్మీకాంత్ (Indian Polity - తెలుగు అనువాదం) లేదా తెలుగు అకాడమీ పాలిటీ పుస్తకం

➢ తెలంగాణ & భారత ఆర్థిక వ్యవస్థ (Economy):

➢ చింతా మోహన్ / తెలుగు అకాడమీ ఇండియన్ & తెలంగాణ ఎకానమీ

➢ తెలంగాణ తాజా బడ్జెట్ మరియు ఎకనామిక్ సర్వే రిపోర్ట్ (సామాజిక ఆర్థిక మాపన)

➤జియోగ్రఫీ (భారతదేశం & తెలంగాణ):

➢ తెలుగు అకాడమీ జాగ్రఫీ పుస్తకాలు

➢ జనరల్ సైన్స్ & సైన్స్ అండ్ టెక్నాలజీ:

➢ 8వ నుండి 10వ తరగతి వరకు స్టేట్ బోర్డ్ (SCERT) సైన్స్ టెక్స్ట్ బుక్స్

➢ ప్రసన్న హరికృష్ణ (S&T)

➤లాజికల్ రీజనింగ్ & డేటా ఇంటర్‌ప్రిటేషన్:

➢ ఆర్.ఎస్. అగర్వాల్ (A Modern Approach to Verbal & Non-Verbal Reasoning)

పేపర్ - 2: స్టాటిస్టిక్స్ (Degree Standard)

ఫండమెంటల్స్ & బేసిక్ కాన్సెప్ట్స్:

➢ Telugu Akademi B.Sc Statistics Books (సెమిస్టర్ 1 నుండి 6 వరకు ఉన్న తెలుగు అకాడమీ డిగ్రీ పుస్తకాలు - అత్యంత ప్రామాణికమైనవి)

కోర్ స్టాటిస్టిక్స్ ప్రామాణిక గ్రంథాలు:

➢ Fundamentals of Mathematical Statistics – S.C. Gupta & V.K. Kapoor (కాన్సెప్ట్స్, ప్రూఫ్స్ మరియు ప్రాబ్లమ్స్ కోసం ఉత్తమమైన పుస్తకం)

➢Fundamentals of Applied Statistics – S.C. Gupta & V.K. Kapoor (సాంప్లింగ్, ANOVA, టైమ్ సిరీస్ కోసం)

➢ Programmed Statistics (Questions and Answers) – B.L. Agarwal (MCQs మరియు ప్రాక్టీస్ బిట్స్ కోసం)

 ప్రిపరేషన్ సూచనలు

➤ముందుగా తెలుగు అకాడమీ డిగ్రీ పుస్తకాలతో ప్రాథమిక అంశాలపై స్పష్టమైన అవగాహన పెంచుకోండి.

➤ఫార్ములాలు, థియరమ్స్ మరియు నిర్వచనాల కోసం ప్రత్యేకంగా ఒక షార్ట్ నోట్స్ తయారు చేసుకోండి.

➤S.C. గుప్తా & కపూర్ పుస్తకం నుండి ప్రాబ్లమ్స్ ప్రాక్టీస్ చేయడం ద్వారా పేపర్-2 లో అత్యధిక మార్కులు సాధించవచ్చు.

Read Also👇