PM Internship Scheme 2026: రూ. 9,000 స్టైపెండ్, కొత్త అర్హతలు.. ఆన్‌లైన్ దరఖాస్తు ప్రక్రియ ఇదిగో!
దేశంలోని నిరుద్యోగ యువతకు కార్పొరేట్ రంగంలో ప్రాక్టికల్ నైపుణ్యాలను నేర్పించడానికి కేంద్ర కార్పొరేట్ వ్యవహారాల మంత్రిత్వ శాఖ ప్రతిష్టాత్మకంగా ప్రధాన మంత్రి ఇంటర్న్‌షిప్ పథకాన్ని (PM Internship Scheme) అమలు చేస్తోంది. డిగ్రీ లేదా డిప్లొమా పూర్తి చేసినా సరైన అనుభవం లేక ఉద్యోగాలు పొందలేకపోతున్న యువతకు ఈ పథకం ఒక చక్కటి వరంలాంటిది. దేశంలోని అగ్రగామి 500 కంపెనీలలో ప్రత్యక్షంగా పనిచేసే అవకాశం లభించడంతో పాటు, ప్రభుత్వమే స్వయంగా ఆర్థిక సాయం కూడా అందిస్తుంది. ఈ ఆర్టికల్‌లో ఈ పథకానికి సంబంధించిన నూతన అర్హతలు, పెంచిన స్టైపెండ్ వివరాలు మరియు ఆన్‌లైన్ దరఖాస్తు విధానం.
PM ఇంటర్న్‌షిప్ స్కీమ్ !
మన దేశంలో చదువుకున్న చాలా మంది యువతకు కాలేజీల్లో కేవలం పుస్తక జ్ఞానం మాత్రమే లభిస్తోంది. కానీ కంపెనీలు కోరే రియల్ టైమ్ ప్రాక్టికల్ నాలెడ్జ్ చాలా మందికి ఉండటం లేదు. ఈ లోపాన్ని సరిదిద్దడమే ఈ పథకం యొక్క ప్రధాన ఉద్దేశం.టాప్ 500 భారతీయ కార్పొరేట్ కంపెనీలు తమ వ్యాపార ప్రాజెక్ట్‌లలో ఈ నిరుద్యోగ యువతకు శిక్షణ ఇస్తాయి. ఈ శిక్షణ సమయంలో యువత కార్పొరేట్ కల్చర్‌ను అర్థం చేసుకోవడంతో పాటు, కొత్త టెక్నాలజీలు మరియు ప్రొఫెషనల్ పని పద్ధతులను నేర్చుకుంటారు. దీనివల్ల భవిష్యత్‌లో శాశ్వత ఉద్యోగాలు పొందడం చాలా సులభం అవుతుంది.
కొత్త అప్‌డేట్స్ & ప్రధాన ప్రయోజనాలు
ఇటీవలి సవరించిన మార్గదర్శకాల ప్రకారం, ఈ ఇంటర్న్‌షిప్‌లో చేరే యువతకు ప్రభుత్వం మరియు కంపెనీల ద్వారా అనేక ఆర్థిక ప్రయోజనాలు అందుతాయి:
నెలవారీ స్టైపెండ్ (Monthly Stipend): ఇంటర్న్‌షిప్ చేసే కాలంలో అర్హులైన అభ్యర్థులకు ప్రతి నెలా ₹9,000 వరకు ఆర్థిక సాయం/స్టైపెండ్ లభిస్తుంది. ఇందులో కేంద్ర ప్రభుత్వం DBT ద్వారా అభ్యర్థి ఖాతాలో జమ చేస్తే, మిగతా మొత్తం సంబంధిత కంపెనీ తమ CSR (Corporate Social Responsibility) నిధుల నుండి చెల్లిస్తుంది.
(గమనిక: రోల్ మరియు కంపెనీ విధానాన్ని బట్టి ఇది ఇంకా ఎక్కువ ఉండే అవకాశం కూడా ఉంటుంది).
ఒకేసారి ఆర్థిక సాయం (One-time Grant): ఇంటర్న్‌షిప్‌లో జాయిన్ అయిన వెంటనే రవాణా మరియు ఇతర ప్రాథమిక ఖర్చుల కోసం ప్రభుత్వం ఒకేసారి ₹6,000 ప్రత్యేక సహాయాన్ని (రెండు విడతలలో) అందిస్తుంది.
ఉచిత బీమా రక్షణ (Insurance): ప్రతి ఇంటర్న్‌కు ప్రధానమంత్రి జీవన్ జ్యోతి భీమా యోజన మరియు సురక్ష భీమా యోజన కింద ప్రభుత్వం ఉచితంగా ఇన్సూరెన్స్ కవరేజ్ కల్పిస్తుంది.
శిక్షణ వ్యవధి (Duration): కొత్త సవరణల ప్రకారం కంపెనీ అవసరాలు మరియు రోల్‌ను బట్టి ఇంటర్న్‌షిప్ వ్యవధి 6 నెలలు లేదా 9 నెలలు ఉంటుంది.
కార్పొరేట్ అనుభవం & సర్టిఫికేట్: దేశంలోని పేరుమోసిన టాప్ కంపెనీలలో పనిచేసిన అనుభవం మీ రెజ్యూమ్‌ను బలోపేతం చేయడమే కాకుండా, శిక్షణ ముగిశాక అధికారిక అనుభవ సర్టిఫికేట్ (Certificate) అందజేస్తారు.
ఈ పథకానికి ఎవరు అర్హులు? (New Eligibility Criteria)
👉సవరించిన నిబంధనల ప్రకారం దరఖాస్తు చేసుకోవడానికి క్రింది అర్హతలను విధిగా కలిగి ఉండాలి,
వయోపరిమితి: దరఖాస్తు చేసుకునే నాటికి అభ్యర్థి వయస్సు 18 నుండి 25 సంవత్సరాల మధ్య ఉండాలి.
విద్యార్హతలు: 10వ తరగతి, 12వ తరగతి, ఐటీఐ (ITI), పాలిటెక్నిక్ డిప్లొమా లేదా BA, B.Sc, BCA, BBA, B.Com మొదలైన ఏదైనా డిగ్రీ పూర్తి చేసి ఉండాలి. ఆన్‌లైన్ లేదా డిస్టెన్స్ లెర్నింగ్ ద్వారా కోర్సులు చేస్తున్న వారు కూడా అర్హులే.
ఉద్యోగ స్థితి: అభ్యర్థి ప్రస్తుతం ఏ ప్రభుత్వ లేదా ప్రైవేట్ రంగంలోనూ పూర్తిస్థాయి ఉద్యోగం చేయకూడదు.
కుటుంబ ఆదాయ నిబంధనలు: కుటుంబ వార్షిక ఆదాయం ₹12 లక్షల లోపు ఉండాలి. అలాగే కుటుంబంలో ఎవరైనా శాశ్వత/రెగ్యులర్ ప్రభుత్వ ఉద్యోగిగా ఉంటే వారు అనర్హులు.
(గమనిక: ఐఐటీ, ఐఐఎం, ఐఐఐటీ ద్వారా డిగ్రీలు పొందిన వారు లేదా CA, CMA, CS, MBBS, BDS, MBA మరియు ఇతర ప్రొఫెషనల్/పోస్ట్ గ్రాడ్యుయేషన్ కోర్సులు పూర్తి చేసిన వారు ఈ పథకానికి అనర్హులు).
దరఖాస్తుకు కావలసిన పత్రాలు (Required Documents)
ఆన్‌లైన్‌లో రిజిస్ట్రేషన్ చేసుకునే ముందు క్రింది పత్రాలను డిజిటల్ రూపంలో సిద్ధంగా ఉంచుకోవాలి,
ఆధార్ కార్డ్: మొబైల్ నంబర్‌తో తప్పనిసరిగా లింక్ అయి ఉండాలి (e-KYC & OTP వెరిఫికేషన్ కోసం).
విద్యార్హత సర్టిఫికేట్లు: 10వ తరగతి, 12వ తరగతి, ITI/డిప్లొమా లేదా డిగ్రీ సర్టిఫికేట్ / మార్క్స్ షీట్.
బ్యాంక్ ఖాతా వివరాలు: ఆధార్ సీడింగ్ (DBT Enabled) కలిగిన స్వంత బ్యాంక్ అకౌంట్ పాస్‌బుక్.పాస్‌పోర్ట్ సైజ్ ఫోటో మరియు యాక్టివ్‌లో ఉన్న ఇమెయిల్ ఐడీ.
Aadhaar Seeding & NPCI Mapping (స్టైపెండ్ పడటానికి అతి ముఖ్యం)
ప్రతి నెలా రూ. 9,000 స్టైపెండ్ నేరుగా మీ అకౌంట్లో పడాలంటే మీ బ్యాంక్ ఖాతాకు Aadhaar Seeding / NPCI Mapping తప్పనిసరిగా పూర్తి అయి ఉండాలి.
ఆన్‌లైన్ ద్వారా: మీ బ్యాంక్ Mobile Banking App లేదా Net Banking లోకి లాగిన్ అయి, Services/Profile సెక్షన్‌లోని Aadhaar Seeding (NPCI Mapping) ఆప్షన్ ద్వారా మీ వివరాలు నమోదు చేసి OTP ద్వారా సీడింగ్ పూర్తి చేయవచ్చు.
ఆఫ్‌లైన్ ద్వారా: మీ బ్యాంక్ బ్రాంచ్‌కు వెళ్లి NPCI / Aadhaar Seeding Form పూర్తి చేసి, ఆధార్ కార్డ్ జిరాక్స్ జత చేసి ఇస్తే 24-48 గంటల్లో మ్యాపింగ్ పూర్తవుతుంది.
స్టేటస్ చెక్ చేయడం: pminternship.mca.gov.in పోర్టల్ లాగిన్ లో లేదా UIDAI/NPCI వెబ్‌సైట్ ద్వారా మీ అకౌంట్ సీడింగ్ యాక్టివ్‌గా ఉందో లేదో సరిచూసుకోవచ్చు.
DigiLocker Verification (వేగవంతమైన ప్రొఫైల్ వెరిఫికేషన్)
రిజిస్ట్రేషన్ ప్రాసెస్‌ను సులభతరం చేయడానికి పోర్టల్‌ను DigiLocker తో అనుసంధానించారు.
సులువైన e-KYC: అప్లై చేసే సమయంలో ప్రత్యేకంగా సర్టిఫికెట్లను స్కాన్ చేసి అప్‌లోడ్ చేసే అవసరం లేకుండా, DigiLocker ద్వారా మీ 10వ తరగతి, డిగ్రీ మరియు ఇతర విద్యా సర్టిఫికెట్లను వేగంగా వెరిఫై చేసుకోవచ్చు.
అడ్వాంటేజ్: డిజిలాకర్ వెరిఫికేషన్ పూర్తయిన ప్రొఫైల్స్‌కు పోర్టల్ ఆటోమేటిక్ షార్ట్‌లిస్టింగ్ సమయంలో ప్రాధాన్యత ఇస్తుంది.
ఆన్‌లైన్ దరఖాస్తు విధానం (Step-by-Step Application Guide)
పోర్టల్‌లో ఉచితంగా ఆన్‌లైన్ అప్లికేషన్ పూర్తి చేయవచ్చు,
అధికారిక వెబ్‌సైట్: ముందుగా అధికారిక పోర్టల్ pminternship.mca.gov.in ని ఓపెన్ చేయండి.
Youth Registration: హోమ్‌పేజీలో కనిపించే "Youth Registration" లేదా "Register Now" క్లిక్ చేసి, మీ ఆధార్ లింక్డ్ మొబైల్ నంబర్ మరియు OTP ద్వారా రిజిస్ట్రేషన్ పూర్తి చేయండి.
e-KYC & వివరాల నమోదు: ఆధార్ e-KYC పూర్తి చేసి, మీ విద్యార్హతలు మరియు వ్యక్తిగత వివరాలను నమోదు చేయండి.
ఆటోమేటిక్ రెజ్యూమ్: మీ వివరాల ఆధారంగా పోర్టల్ ఆటోమేటిక్‌గా డిజిటల్ రెజ్యూమ్‌ను జనరేట్ చేస్తుంది.
ఆప్షన్ల ఎంపిక: మీకు నచ్చిన రంగం, లొకేషన్ మరియు కంపెనీల ఆధారంగా గరిష్టంగా 3 ఇంటర్న్‌షిప్ ఆప్షన్ల వరకు ఎంచుకొని దరఖాస్తు (Apply) చేసుకోండి.
ఎంపిక విధానం (Selection Process)
➤సబ్మిట్ చేసిన ప్రొఫైల్స్, నైపుణ్యాలు మరియు కంపెనీల అవసరాల ఆధారంగా ఆటోమేటిక్ షార్ట్‌లిస్టింగ్ జరుగుతుంది.
➤షార్ట్‌లిస్ట్ అయిన అభ్యర్థుల వివరాలను సంబంధిత కంపెనీలకు పంపుతారు.
➤ఆఫర్ లెటర్ వచ్చిన తర్వాత పోర్టల్‌లోనే దానిని ఆమోదించి (Accept) నిర్ణీత తేదీలో కంపెనీలో జాయిన్ అవ్వాల్సి ఉంటుంది.
తరచుగా అడిగే ప్రశ్నలు (FAQs)
1. దరఖాస్తు చేసుకోవడానికి చివరి తేదీ (Last Date) ఉందా?
ఈ పోర్టల్ రోలింగ్ పద్ధతిలో పనిచేస్తుంది. వివిధ కంపెనీల ఇంటర్న్‌షిప్‌లకు వేర్వేరు ప్రారంభ మరియు ముగింపు తేదీలు ఉంటాయి.
2. స్టైపెండ్ డబ్బులు ఎక్కడ జమ అవుతాయి?
ప్రభుత్వం మరియు కంపెనీ ఇచ్చే స్టైపెండ్ మొత్తం నేరుగా మీ ఆధార్ సీడెడ్ బ్యాంక్ ఖాతాలో (DBT ద్వారా) జమ అవుతుంది. బ్యాంక్ ఖాతాకు ఆధార్ సీడింగ్ లేకపోతే ప్రభుత్వ ₹8,100 DBT జమ కాదు.
3. ఈ శిక్షణ పూర్తి అయిన తర్వాత ఉద్యోగం ఇస్తారా?
ఇది నిరుద్యోగ యువతకు ప్రాక్టికల్ అనుభవం పెంచే శిక్షణ మాత్రమే. అయితే మీ ప్రతిభ ఆధారంగా సంబంధిత కంపెనీలలో పర్మినెంట్ అవకాశాలు లభించే వీలుంది.
4.లిమిట్స్ & అప్లికేషన్ నిబంధనలు (Active Application Limits)?
ఒకేసారి గరిష్టంగా 3 ఇంటర్న్‌షిప్ ఆప్షన్‌లకే దరఖాస్తు చేసుకోవచ్చనే పరిమితి.
5.నెలవారీ అటెండెన్స్ & డ్రాపౌట్ రూల్స్ ?
మధ్యలో మానివేస్తే (Dropout / Sabbatical) లేదా తక్కువ అటెండెన్స్ ఉంటే ఆ నెలకు ₹9,000 స్టైపెండ్ ఆగపోతుందని హెచ్చరిక.
